سايق عليك

سايق الله عليك إن كان به شي قوله ،،

كلمتن تستحى منها تشجع وقلها

لا تمثل على غاليك دور البطوله ،،

داو جرحك وخل جروح غيرك لأهلها

تخفي الجرح فيك بكلمتين معسوله ،،

وأدري إن الجروح كبار ما تحتملها

والهجوس الحزينه والعيون الخجوله ،،

خلها عن مشاكل بعض الأجناس تلها

كل شي ما هو مكتوب صعبن حصوله ،،

لو عليه الطواري والمعاليق ولــهــى

والله إن المحبة ما تجي بالسهوله ،،

مثل حمل الأمانة والبنادم حملها

اختلف باختلاف الوقت حلم الطفوله ،،

بعد ما كان حلم الناس تمرة نخلها

ول يا حلمنا اللي ما قدرنا نطوله ،،

ضاع ما بين هفوات النفوس وجهلها

كيف نرتاح ويدين الوصال مغلوله ،،

وكيف نسلى ومن له غايتن ما وصلها

كلنا نعرف إن الشخص يتبع ميوله ،،

عاذلي خل عنك الناس ليه تعذلها

ليت هفواتنا عن ما نكن معقوله ،،

كان ما ضاع حلم نفوسنا من جهلها

الشاعر : محمد مريبد

 

لو أدري

والله لو أدري عن أسباب فرقاگ

لقفي مع اللي ما يعود محله

دامك رحلت ارحل أبرحل وأبنساگ

منت الوحيد اللي بها الكون كله

لا خلتك دنياك والكل خلاگ

متنا بلاقي ظل تجلس بظله

بتعلمك دنياك صدك وهجراگ

ثمن تعود تقول يا خوك زله

ما والله أقبل عذرك اليوم وانهاگ

قهويتني في مر فرقاك دله

النفس ماهي خاضعه يوم لقياگ

صحيح غالي لكن الحب فله

ضعيت دربك بالجفا يوم مسراگ

وأنا قضبت الوصف دربي وادله

انسا جميع اللي حصل يوم بعناگ

واليوم أبنسا ذكريات(ن) ممله

اللي جمعنا بالوفا سهل ينهاگ

ذكراك غالي شفت حاليك عله

وان جيتني ترجي من الرد وياگ

كرامتي تعصا دروب المذله ،،

نادر بدر بن جعيدان

 

 

لحظة

لحظة .. مدام أن الليالي اذكرتنا ،،

وأرخصت حبي لك وما فاد طيبي

ويوم ٍ صواديف الحياة اجمعتنا ،،

ابسألك.. معك وأنت وش كان عيبي ؟؟

جاوب.. لا تقتل بالسكوت أسئلتنا ،،

وأجلس هنا. ما بين شكي وريبي

ولا تخاف، دام الناس كلها نستنا ،،

أرحم خفوقي من حرارة لهيبي

حبك كتمته.. والنفوس أجبرتنا ،،

وسرك دفنته.. ما درابه قريبي

ولو كان.. في آخر لقانا سكتنا ،،

وخليتني يوم أنك تسمع نحيبي

مسامحك .. دام العيون أحسدتنا ،،

لو أن منها صار همي صحيبي

الضيق يرحل .. ما هو بمشكلتنا ،،

المشكلة .. لا صار هذا نصيبي

وشلون ننسى ما حوى ذاكرتنا ،،

وأهمها بالذات .. تذكر حبيبي

« أجمل حدث » مذكور في معرفتنا ،،

يومك تقول لــشمس الأحزان غيبي

الشاعر : نايف بن مطيع

 

 

تدور الليالي

نـدبـت الهـجـوس الـلـي يصـحـي لـــي الآنـــام

مـــن الـلــي طــــرى فـالـقـلـب وأرســــا لـمـوالــي

بـعـد مـــا أنـفـتـح بـابــه ويـــدّي عـلــى الأقـــلام

خذيت الحصـيـل أبـعـزم مـوجــات الأرسـالــي

تــــدور الـلـيــال ويـلــحــق الــعـــام الأول عـــــام

ويـرسـي مـسـيـر الـوقــت وتـضـيـع الأزوالـــي

نـحـسـب الـعـمـر ونـقــول بــــأن الــوعــد قــــدام

وهـي فرصـت(ن) تنسـاق فـي روس الأموالـي

بـدايـت حـيـاة العـبـد بـنـي(ن) عـلــى الأحـــلام

وتــســـري بـــــه الأيـــــام وتـــمـــوت الآمـــالـــي

ومـشـيـب الـرجــل لا جـــاه كـنــه عـلـيـه أعــــدام

لـيــا صـــار مـــا عـنــده مـــن الـطـيـب مثـقـالـي

بخـيـت الــذي طـبـق فـروضــه وصـــلاّّ وصـــام

وهـــوى الـنـفـس هـذبـهـا بـزيـنـات الأعـمـالــي

ولــو العـبـد يــدري وش ورى دخـلـتـه فـالـخـام

يعرف الولي (( يمهل )) ولا (( يهمل )) الحالي

مـا عنـد الولـي ( يبقـى ) وعمـر الفتـى مــا دام

وعـســى فـــي جـنــان الـخـلـد داري ومـنـزالـي

بــعـــد مـــــا فـتــحــت الــبـــاب بـقـفـلــه وأنـــــام

وشــكـــرا لـهـاجـوســي وطـــرقـــي ومـــوالـــي

عبدالعزيز بن سبيّل